TIJORAT BANKLARI TRANSFORMATSIYASI BORASIDA NAZARIY VA HUQUQIY ASOSLAR

COVID-19 epidemiyasi natijasida raqamli iqtisodiyotning butun Jahon iqtisodiyotida keng
tarqalishini tezlashtirdi, bu esa moliya sohasida “kontaktsiz” xizmatlarga talabning keskin oshib ketishiga olib
keldi. Va buning natijasida tijorat banklari transformatsiyasiga talab ortdi. Ushbu maqolada tijorat banklarining
transformatsiya jarayoni, uning nazariy negizlari va huquqiy jihatlari atroflicha oʻrganilgan. Avvalo, bank
tizimining iqtisodiyotdagi oʻrni, tijorat banklarining vazifalari va ular faoliyatidagi zamonaviy oʻzgarishlar tahlil
qilingan. Transformatsiya tushunchasi, uning turlari va bosqichlari, shuningdek, bank tizimida raqamli
texnologiyalarni joriy etish orqali amalga oshirilayotgan islohotlar ilmiy asosda yoritilgan.
Undan tashqari maqolada Oʻzbekistonda tijorat banklari transformatsiyasining huquqiy bazasi, xususan, “Banklar
va bank faoliyati toʻgʻrisida”gi Qonun, Prezident farmonlari va Vazirlar Mahkamasi qarorlari asosida tahlil qilingan.
Shu bilan birga, xalqaro amaliyotdagi yutuqlar va ularning milliy bank tizimiga tatbiq etish imkoniyatlari koʻrib
chiqilgan.
Ishning dolzarbligi shundaki, u bank sektoridagi zamonaviy islohotlarning nazariy-huquqiy asoslarini chuqur
oʻrganish va ularni amaliyotda samarali tatbiq etishdagi masalalarga bagʻishlangan. Xulosalar va takliflar orqali
bank tizimini yanada mustahkamlash boʻyicha amaliy tavsiyalar ishlab chiqilgan.