OLIY TAʼLIM MUASSASASIDA BOKS MURABBIYLARINI KASBGA YOʻNALTIRISH TIZIMINING XUSUSIYATLARI

Maqolada oliy taʼlim muassasalarida boks murabbiylarini kasbga yoʻnaltirish tizimining mazmuni,
tuzilmasi va amaliyotdagi qoʻllanilish xususiyatlari keng yoritilgan. Muallif kasbga yoʻnaltirish tushunchasini
pedagogik jarayonning muhim tarkibiy qismi sifatida koʻrib chiqadi va uning boks murabbiyi kasbiy faoliyatiga
moslashtirilgan modelini ishlab chiqishga harakat qiladi. Tadqiqot davomida sport sohasi, xususan, boks boʻyicha
mutaxassis tayyorlashda kasbga yoʻnaltirish tizimining psixologik, pedagogik, ijtimoiy va amaliy omillari chuqur
tahlil etilgan. Shuningdek maqolada boks murabbiylarining kasbiy qiziqishlarini shakllantirish, kasbiy faoliyatga
nisbatan ijobiy motivatsiyani rivojlantirish, murabbiylik faoliyatiga zarur kompetensiyalarni bosqichma-bosqich
egallash jarayoni oʻrganilgan. Oliy taʼlim jarayonida nazariy bilimlar va amaliy koʻnikmalar uygʻunligini taʼminlash,
oʻquv dasturlarining zamonaviy talablar asosida takomillashtirilishi, ilgʻor xorijiy tajribalarni oʻrganish va joriy
etish zarurligi asoslab berilgan. Muallif tomonidan taqdim etilgan ilmiy xulosalar va amaliy tavsiyalar boks
murabbiylarini tayyorlash tizimini takomillashtirish, ularni mehnat bozorida raqobatbardosh kadrlar sifatida
shakllantirish, kasbiy oʻsishlarini taʼminlashga xizmat qiladi. Mazkur maqola sport pedagogikasi, kasbga
yoʻnaltirish metodikasi hamda murabbiylik faoliyatining zamonaviy tamoyillarini chuqur oʻrganishga qaratilgan
boʻlib, ushbu yoʻnalishda izlanish olib borayotgan tadqiqotchilar va amaliyotchilar uchun muhim ilmiy-uslubiy
manba boʻlib xizmat qiladi.