ZAMONAVIY DUNYODA YOSHLARNING MAʼNAVIY-RUHIY BARQARORLIGINI SHAKLLANTIRISHNING FALSAFIY MASALALARI

XXI asrda globallashuv jarayonlari va raqamli texnologiyalarning tez rivojlanishi insoniyat hayotining barcha sohalariga keng taʼsir koʻrsatmoqda. Shu bilan birga, yosh avlod ongiga turli ekstremistik, radikal va zararli gʻoyalar kirib borishi xavfi ortmoqda. Mazkur maqolada yoshlarning mafkuraviy immunitetini shakllantirish zarurati, uning ijtimoiy, falsafiy va psixologik asoslari tahlil qilinadi. Asosiy eʼtibor “ommaviy madaniyat”ning zararli oqimlari, diniy mutaassiblik, vandalizm va axborot xurujlari kabi xavf omillarining yoshlar dunyoqarashiga taʼsiriga qaratilgan. Oʻzbekiston tajribasi, jumladan milliy madaniyatni rivojlantirish, kitobxonlik marafonlari, teatr va musiqa festivallari, yosh ijodkorlar koʻrik-tanlovlari orqali mafkuraviy immunitetni mustahkamlashning samarali mexanizmlari misol sifatida keltiriladi. Maqola shuningdek diniy qadriyatlarning asl mohiyatini yoshlar ongiga yetkazish, tanqidiy-estetik fikrlashni rivojlantirish va jamiyatda barqaror dunyoqarashni shakllantirishning ahamiyatini yoritadi.