2009–2011-YILLARDA BUXORO, SAMARQAND, NAVOIY SANOATIDA OʻSISH VA XALQARO HAMKORLIK DINAMIKASI

2009–2011-yillar davomida Oʻzbekistonning markaziy hududlari Buxoro, Samarqand va Navoiy viloyatlari sanoat sektorida faol rivojlanish bosqichini boshidan kechirdi. Tabiiy resurslardan samarali foydalanish, texnik va texnologik yangilanishlar, infratuzilmaviy loyihalar va davlat dasturlari sanoat tarmoqlarining oʻsish surʼatlarini taʼminladi. Shu bilan birga, xalqaro hamkorlik yoʻnalishidagi islohotlar, xususan, xorijiy investitsiyalarni jalb qilish, qoʻshma korxonalar tashkil etish va eksport geografiyasini kengaytirish orqali mintaqaviy iqtisodiyotning tashqi bozorlar bilan bogʻliqlik darajasi oshdi. Mazkur tadqiqotda sanoat sektoridagi oʻsishning asosiy omili sifatida xalqaro hamkorlik mexanizmlari tahlil qilinadi hamda ularning mintaqaviy rivojlanishga taʼsiri koʻrsatiladi. Tadqiqot natijalari kelgusida sanoat siyosati va tashqi iqtisodiy strategiyani shakllantirishda amaliy ahamiyat kasb etadi.