RAQAMLI SIVILIZATSIYA SHAROITIDA MILLIY TAʼLIMNING STRUKTURAVIY-FUNKSIONAL JIHATLARI

Ushbu maqolada raqamli sivilizatsiya sharoitida milliy taʼlim tizimining strukturaviy va funksional jihatlariga ijtimoiy-falsafiy nuqtai nazardan yondashiladi. Raqamli transformatsiya taʼlim tizimining tuzilmasi (taʼlim muassasalari, infratuzilma) va faoliyatida (masofaviy taʼlim, raqamli baholash tizimlari va h.k.) jiddiy oʻzgarishlar yasayotganligi tahlil qilinadi. Tadqiqot natijalari bu oʻzgarishlar natijasida taʼlimda imkoniyatlar kengayib, samaradorlik oshayotganini, xususan taʼlimga kirish imkoniyatlari va nazorat-baholashning takomillashayotganini koʻrsatadi. Shu bilan birga, taʼlim jarayonida inson omilining fon plana oʻtishi, taʼlim mazmunining raqamli koʻrsatkichlarga qisqarib qolishi kabi xavf va muammolar ham aniqlanadi. Maqolada taʼlimdagi raqamli islohotlarni faqat texnik-texnologik yutuq sifatida emas, balki insonparvarlik qadriyatlari, milliy oʻzlik va maʼnaviy tarbiya mezonlari asosida baholash zarurligi taʼkidlangan. Xulosa oʻrnida, taʼlim tizimidagi raqamli transformatsiyani falsafiy-ijtimoiy hodisa sifatida qabul qilib, unda inson omiliga tayangan va milliy-maʼnaviy qadriyatlarni ustuvor qoʻyuvchi yondashuv zarurligi qayd etiladi.