FUQAROLAR MUROJAATLARI BILAN ISHLASH BOʻYICHA CHET EL DAVLATLARI TAJRIBASI: QIYOSIY-HUQUQIY TAHLIL

Maqolada xorijiy davlatlarda fuqarolarning davlat organlariga murojaat qilish huquqining huquqiy asoslari qiyosiy tahlil qilingan. AQSH, Germaniya, Italiya, Ispaniya, Sloveniya, Chexiya, Polsha, Moldova kabi demokratik davlatlar Konstitutsiyalarida bu huquqning kafolatlari yoritilgan. Shu bilan birga, arab mamlakatlari (Quvayt, Bahrayn, Saudiya Arabistoni, Iordaniya)dagi murojaat huquqi diniy va monarxik tizimlarga bogʻliq ravishda cheklovlar bilan taʼminlanishi koʻrsatilgan. Maqolada Shimoliy Koreya kabi totalitar tuzumlarda murojaat huquqi faqat rasmiy siyosiy mafkura doirasida amal qilishi, Xitoyda esa bu huquqni amalga oshirishning oʻziga xos jihatlari tahlil etilgan. Shu asosda muallif xorijiy davlatlarda murojaat huquqini tartibga solishda yagona yondashuv mavjud emasligini, ayrim hollarda huquq faqat fuqarolarga, boshqa davlatlarda esa barchaga berilganini taʼkidlaydi. Maqola globallashuv va xalqaro huquq tamoyillari murojaat huquqini rivojlantirishga taʼsir qilayotganini ham koʻrsatadi.