VOYAGA YETMAGANLAR TOMONIDAN SODIR ETILADIGAN JINOYATLAR PROFILAKTIKASI BOʻYICHA MILLIY QONUNCHILIK NORMALARI TAHLILI

Ushbu maqolada Oʻzbekiston Respublikasida voyaga yetmaganlar tomonidan sodir etiladigan jinoyatlarning oldini olish sohasidagi milliy qonunchilik tizimi har tomonlama tahlil qilingan. Muallif tomonidan “Voyaga yetmaganlar oʻrtasida nazoratsizlik va huquqbuzarliklarning profilaktikasi toʻgʻrisida”gi (2010 y.), “Bola huquqlarining kafolatlari toʻgʻrisida”gi (2008 y.), “Oʻzbekiston Respublikasida yoshlarga oid davlat siyosati toʻgʻrisida”gi (2016 y.), hamda “Huquqbuzarliklar profilaktikasi toʻgʻrisida”gi qonunlar, shuningdek Oila, Maʼmuriy va Jinoyat kodekslarining tegishli normalari ilmiy-amaliy jihatdan tahlil etilgan. Tahlil natijalaridan maʼlum boʻlishicha, milliy qonunchilik voyaga yetmaganlar jinoyatchiligining huquqiy, ijtimoiy va profilaktik asoslarini yaratib bergan boʻlsa-da, amaliyotda idoralararo muvofiqlashuvning zaifligi, profilaktika tizimining koʻproq nazorat xarakterida boʻlishi, psixologik va ijtimoiy xizmatlar yetarli darajada yoʻlga qoʻyilmagani kabi kamchiliklar mavjud.