YANGI OʻZBEKISTONDA SHAXS ZAMONAVIY IJTIMOIY JARAYONLARGA INTEGRATSIYALASHUVINING FALSAFIY TAHLILI

Ushbu maqolada zamonaviy pedagogik jarayonlarda yoshlar maʼnaviy qadriyatlarining shakllanishi, ularning tarixiy-anʼanaviy omillar bilan uygʻunlashuv jarayoni hamda globallashuv davrida roʻy berayotgan madaniy va ijtimoiy oʻzgarishlar kontekstida qayta talqin qilinishi tizimli ravishda tahlil qilinadi. Tadqiqot davomida milliy maʼnaviy merosning yosh avlod ongidagi aksi, anʼanaviy qadriyatlarning davomiyligi, zamonaviylik unsurlarining kirib kelishi natijasida yuzaga kelayotgan yangicha ijtimoiy-pedagogik ehtiyojlar va ularning jamiyat barqarorligiga taʼsiri kompleks tarzda yoritiladi.

Tadqiqotda yoshlar ongida shakllanayotgan maʼnaviy qadriyatlar tizimiga taʼsir etuvchi subyektiv va obyektiv omillar — oilaviy tarbiya, taʼlim muassasalari, ijtimoiy institutlar, global kommunikatsiya vositalari, zamonaviy axborot oqimlari va raqamli madaniyatning kuchayishi ilmiy tahlil markaziga olinadi. Maqolada yoshlarning maʼnaviy dunyoqarashi va ijtimoiy xulq-atvorida milliy oʻzlikni anglash jarayonining oʻrni va ahamiyatini falsafiy kategoriyalar asosida tadqiq etib, anʼanalar va zamonaviylik oʻzaro munosabati davom etayotgan murakkab ijtimoiy-madaniy holatni chuqur tahlil qilingan.