OʻZBEK TILINI LINGVOKULTUROLOGIK YONDASHUV ASOSIDA OʻQITISH

Bugungi kunda taʼlim rus tilida olib boriladigan maktablarda oʻzbek tili darslarining yanada qiziqarli va oʻquvchilardagi bilim va koʻnikmalarni rivojlantirish uchun til va madaniyatning oʻzaro uygʻun tarzda oʻtilishiga alohida eʼtibor qaratilishi juda ham muhim usul hisoblanadi. Bu jarayonda oʻquvchi nazariy bilimlarni egallash bilan birga amaliyotda ham tilni qoʻllash, tasavvur hosil qilish kabi imkoniyatlarga ega boʻladi. Shuningdek, bunday taʼlim muhitida oʻquvchining nafaqat nutqiy kompetensiyasi, balki uning mantiqiy fikrlash, tahlil qilish, qiyoslash qobiliyati va madaniyatlararo muloqot koʻnikmalari ortadi. Chunki oʻzbek tilidagi mavjud milliy oʻziga xos soʻzlar va tushunchalar oʻquvchini konseptual fikrlashga undaydi. Natijada oʻquvchi tilning asl mohiyatini tushunishni va madaniyatlararo kommunikatsiya jarayonidagi oʻzida mavjud boʻlgan boʻshliqlarni toʻldiradi. Shuning uchun ham til taʼlimida lingvokulturologik yondashuvning muhim ekanligini ushbu maqolada yetarlicha isbotlashga harakat qildik.