XIX-XX ASRLAR DOSTONCHILIGIDA ADABIY TAʼSIR MASALASI

Ushbu maqolada XIX-XX asrlar adabiyotida yaratilgan dostonlarning shakl va mazmun rang-barangligi Tabibiy, Furqat, Miriy dostonnavisligi misolida koʻrib chiqildi. Ular ijodida folklor, mumtoz sheʼriyat anʼanalarining davomiyligi, mavjud anʼanalarga nisbatan ijodiy yondashuv, novatorlik natijasi oʻlaroq yuzaga kelgan nodir namunalar yaratilganligi tadqiq etilgan. Qolaversa, ushbu davr dostonlarining kompozitsion qurilishi ajdodlarimiz tomonidan yaratilgan dostonlardan qolishmaganligi mushohada etiladi. “Vomiq va Azro”, “Yetti ravza”, “Suvorov haqida”, “Yunon mulkida bir afsona”, “Qissasi Salim Javhariy “ kabi dostonlarning gʻoyaviy-badiiy xususiyatlari talqin etilgan. Shuningdek, ushbu dostonlarning adabiyotimiz rivojidagi oʻrni, dostonlarning poetik jihatdan takomillashib borishi, davr nuqtai nazaridan qolgan janrlar kabi doston janrida ham yangilanish unsurlarining mavjudligi masalalari koʻrib chiqilgan.