SEYSMIK YUKLAR TA’SIRIDA HAR XIL TURDAGI POYDEVORLARNING INSHOOT KONSTRUKSIYALARIGA TA’SIRINI BAHOLASH

Mazkur maqolada seysmik yuklar ta’sirida to‘rt qavatli temirbeton karkaslia ikki turdagi inshootning ishlashi tahlil qilindi. Har ikki holda binodagi umumiy yuklamalari bir xil bo‘lib, ularning farqi poydevor turida namoyon bo‘lib, birinchi holda poydevor plitali, ikkinchi holda alohida turuvchidan tashkil topgan. Tadqiqot doirasida poydevorlarning konstruktiv elementlarga ko‘rsatadigan ta’siri, ularning deformatsiyalanishi va seysmik ta’sir ostida binoning cho‘kishi o‘rganildi. Har ikki turdagi poydevor konstruksiyalari o‘rtasidagi asosiy farqlar va seysmik ta’sirlar ostida ishlashi qiyosiy tahlil qilindi. Olib borilgan tadqiqot natijalari poydevor turini to‘g‘ri tanlash inshootning umumiy seysmik xavfsizligi hamda ishonchliligiga qay darajada ta’sir ko‘rsatishininamoyish qildi. Shuningdek, tahlil asosida konstruktiv yechimlarni optimallashtirish bo‘yicha ilmiy xulosalar ishlab chiqildi.