FUQAROLIK HUQUQIDA ASOSSIZ BOYLIK ORTTIRISH: MILLIY VA XORIJIY TAJRIBA

Ushbu maqolada fuqarolik huquqida asossiz boylik orttirish institutining nazariy-huquqiy asoslari, uning milliy qonunchilikdagi oʻrni hamda xorijiy davlatlar tajribasi ilmiy tahlil qilinadi. Asossiz boylik orttirish fuqarolik-huquqiy munosabatlarda adolat prinsipini taʼminlovchi muhim huquqiy mexanizm sifatida namoyon boʻladi. Maqolada Oʻzbekiston Respublikasi Fuqarolik kodeksi normalari asosida asossiz boylik orttirish tushunchasi, uning vujudga kelish shartlari va huquqiy oqibatlari yoritiladi. Shu bilan birga, Rossiya Federatsiyasi, Germaniya, Fransiya va Angliya qonunchiligida mazkur institutning tartibga solinishi qiyosiy-huquqiy tahlil qilinadi.

Tadqiqot jarayonida formal-yuridik, qiyosiy-huquqiy va tizimli tahlil usullaridan foydalanildi. Ilmiy tahlil natijasida milliy qonunchilikda asossiz boylik orttirishga oid ayrim normalarni takomillashtirish zarurati asoslantirildi hamda xorijiy tajribadan foydalanish boʻyicha amaliy takliflar ishlab chiqildi. Maqola xalqaro ilmiy jamoatchilik uchun ahamiyatli boʻlib, fuqarolik huquqi sohasida ilmiy tadqiqotlar olib borayotgan olimlar, tadqiqotchilar va amaliyotchi yuristlar uchun manba sifatida xizmat qiladi.