VOYAGA YETMAGANLAR JINOYATCHILIGI TUSHUNCHASI NAZARIY VA QIYOSIY-HUQUQIY TAHLILI

Mazkur ilmiy maqolada voyaga yetmaganlar jinoyatchiligi tushunchasining mazmun-mohiyati, uning shakllanishiga taʼsir etuvchi omillar hamda turli davlatlar qonunchiligi va huquqni qoʻllash amaliyotidagi yondashuvlar nazariy va qiyosiy-huquqiy jihatdan tahlil qilinadi. Yoshlar jinoyatchiligini aniqlash, oldini olish va jazoni individuallashtirish masalalari turlicha huquqiy tizimlarda qanday tartibga solingani yoritiladi. Shuningdek, Oʻzbekiston Respublikasi jinoyat qonunchiligi, xalqaro standartlar — BMTning “Bola huquqlari toʻgʻrisida”gi konvensiyasi hamda Pekin qoidalarida belgilangan tamoyillar asosida voyaga yetmaganlarga nisbatan jazo va tarbiyaviy taʼsir choralarining oʻziga xos jihatlari ochib beriladi.

Maqolada voyaga yetmaganlar jinoyatchiligini kamaytirish boʻyicha profilaktik chora-tadbirlarning samaradorligi, ijtimoiy institutlar oʻrtasidagi hamkorlik, huquqbuzarliklarning psixologik va ijtimoiy ildizlari hamda ilgʻor xorijiy tajribaning milliy tizimga moslashtirilish imkoniyatlari oʻrganilgan. Tadqiqot natijalari voyaga yetmaganlar jinoyatchiligi bilan bogʻliq munosabatlarni takomillashtirish, huquqni muhofaza qiluvchi organlar faoliyatini yanada samarali tashkil etish uchun ilmiy-amaliy xulosalar ishlab chiqishga xizmat qiladi.