ICHKI ISHLAR ORGANLARIDA XOTIN-QIZLAR XIZMAT OʻTASH TARTIBINI BELGILASHGA DOIR RIVOJLANGAN MAMLAKATLAR TAJRIBASINING ILMIY TAHLILI

Ushbu maqola ichki ishlar organlarida xotin-qizlarning xizmat oʻtash tartibi va ularning faoliyatini tartibga solish boʻyicha rivojlangan mamlakatlar tajribasini ilmiy asosda tahlil qilishga bagʻishlangan. Tadqiqot davomida xotin-qizlar xizmatidagi huquqiy, ijtimoiy va institutsional jihatlar, shuningdek ularning xizmatga jalb qilinishi va professional rivojlanish imkoniyatlari koʻrib chiqildi. Maqolada milliy qonunchilik bilan bir qatorda xalqaro standartlar va ilgʻor xorijiy tajribalar solishtirildi. Tadqiqot natijalari xotin-qizlar xizmatini tartibga solish boʻyicha samarali mexanizmlar va siyosiy strategiyalarni aniqlashga yordam beradi. Shu bilan birga, maqola ichki ishlar organlarida gender tengligini taʼminlash, xizmat jarayonlarini optimallashtirish va xotin-qizlar faoliyatini samarali tashkil etish boʻyicha amaliy tavsiyalar ishlab chiqishga xizmat qiladi. Tadqiqot shuni koʻrsatdiki, xotin-qizlarni xizmatga jalb qilish nafaqat ijtimoiy adolat va gender tengligini mustahkamlash, balki ichki ishlar organlarining samaradorligini oshirish va fuqarolarga xizmat sifatini yaxshilashga ham xizmat qiladi.