SUNʼIY INTELLEKT, ROBOTOTEXNIKA VA HUQUQ: SUNʼIY INTELLEKTNING XAVFSIZ KIBERXAVFSIZLIK TIZIMLARIGA TAʼSIRI

Bugungi kunda maʼlumotlar dunyoni boshqarmoqda, shu sababli kiberhujumlardan maʼlumotlarni himoya qilish muhim ahamiyatga egadir. Shuningdek, internet tarmoqlari, dasturiy taʼminotlar va texnik vositalar kiberxavfsizlik tizimlari bilan himoyalangan, ammo, kibermakonda tahdidlarning kundan-kunga ortib borishi natijasida ularga qarshi anʼanaviy algoritmlar samarasiz boʻlib bormoqda. Bundan tashqari, kiberhujumlarning koʻpayishi yanada aqlli va mustahkamroq boʻlgan ilgʻor kiberxavfsizlik usullarini yaratishni zaruratga aylantirdi. Kiberxavfsizlikning hozirgi holatini hisobga olsak, mutaxassislar sunʼiy intellektni anʼanaviy kiberxavfsizlik texnikasidagi yutuqlarni qoʻllab-quvvatlashi mumkin boʻlgan potensial soha sifatida jiddiy qarashadi. Shuningdek, sunʼiy intellektga asoslangan xulq-atvorni tahlil qilish usullari anormalliklarni va kutilgan xatti-harakatlardan chetga chiqishni aniqlash orqali kirish tizimlarini yaxshilaydi. Sunʼiy intellekt orqali zararli dasturlarni aniqlash, xavfni oldini olish va himoyani yuqori darajada taʼminlash usullari oʻrganiladi.