RAQAMLI DALILLARNI TOʻPLASH VA TAHLIL QILISHDA INTERPOL VA EUROPOL TAJRIBASI: OʻZBEKISTON UCHUN AMALIY AHAMIYATI

Ushbu maqolada raqamli dalillarni toʻplash va tahlil qilishda Interpol va EUROPOL tajribasi hamda
ushbu tajribaning Oʻzbekiston uchun amaliy ahamiyati oʻrganilgan. Raqamli jinoyatchilikning global miqyosda
oʻsishi va milliy chegaralarni tan olmasligi, bu borada xalqaro hamkorlikning muhimligini yanada oshirmoqda.
Tadqiqot davomida Interpol va EUROPOL tomonidan ishlab chiqilgan raqamli dalillarni toʻplash, saqlash, tahlil
qilish va almashish borasidagi protokollar, texnologiyalar va huquqiy mexanizmlar oʻrganildi. Shuningdek,
Oʻzbekistonda mavjud qonunchilik bazasi, institutsional tuzilmalar va texnik imkoniyatlar tahlil qilinib, xalqaro
tajribani mahalliy sharoitga moslashtirish imkoniyatlari koʻrib chiqildi. Tadqiqot natijalariga koʻra, Oʻzbekiston
uchun raqamli dalillarni toʻplash va tahlil qilish tizimini takomillashtirish boʻyicha tavsiyalar ishlab chiqildi. Bu
tavsiyalar Oʻzbekistonda kiberjinoyatchilikka qarshi kurashish samaradorligini oshirish, milliy xavfsizlikni
taʼminlash va xalqaro hamkorlikni kengaytirishga xizmat qiladi.