XORIJIY BAHOLOVCHI TASHKILOTLAR REYTINGI VA RENKINGINI BAHOLASHDA KOMPLEKS YONDASHUVNING QOʻLLANILISHI TAHLILI (ROSSIYADAGI BAHOLOVCHI TASHKILOTLAR MISOLIDA)

Ushbu maqolada Rossiyadagi baholovchi tashkilotlar faoliyatining reytingini baholash va renkingini aniqlash prinsiplari, koʻrsatkichlari, hamda reytinglarni baholash va renkingini aniqlashda qoʻllaniladigan umumlashgan yondashuv va metodologiya tahlil qilingan. Maqolada xalqaro reyting agentliklarining shkalalarining raqamli analogi sifatida qabul qilingan [1; 27; -n] intervaldagi sonlar toʻplamidan iborat oʻtish shkalasi vositasida sifatiy reyting indeksini yoki miqdoriy reyting indeksini ishlab chiqish va renkinglash usullari tavsiya etilgan. Shuningdek, maqolada reytinglarni baholashda ishlatiladigan asosiy koʻrsatkichlar, metodologiyaning asosiy tamoyillari va ularning xalqaro standartlar bilan oʻzaro aloqasi detalizatsiya qilingan. Maqola reytinglar va renkinglarning aniq va ishonchli boʻlishi uchun turli koʻrsatkichlarni kompleks ravishda tahlil qilish, shuningdek, xalqaro reyting agentliklarining shkalalarini asos qilib, ularning ahamiyatini koʻrsatadi. Tahlil natijalari Rossiyadagi baholovchi tashkilotlarning reytingini baholashda samarali va obyektiv yondashuvlarni ishlab chiqishga yoʻnaltirilgan.