GLOBALLASHUV SHAROITIDA TAʼLIM JARAYONIDA INFORMAL TAʼLIM YONDASHUVDAN FOYDALANISH ZAMONAVIY PEDAGOGIK MUAMMO SIFATIDA

Globallashuv davrida taʼlim tizimi oldida hayot davomida oʻrganish va uzluksiz malaka oshirish talablari kuchaymoqda. Ushbu maqolada Oʻzbekiston taʼlim tizimida informal taʼlim yondashuvining ahamiyati va uni taʼlim jarayoniga integratsiya qilish masalalari tahlil qilinadi. Mavjud ilmiy manbalarga tayangan holda, formal va informal taʼlimning oʻzaro bogʻliqligi, zamonaviy axborot jamiyatida informal taʼlimning roli va imkoniyatlarini yoritiladi. Tadqiqot natijalariga koʻra, informal yondashuvdan foydalanish oʻquvchilarning taʼlimga qiziqishini oshirishi, mustaqil oʻrganish koʻnikmalarini shakllantirishi va globallashuv sharoitida raqobatbardosh kadrlar tayyorlashga xizmat qilishi aniqlangan. Shuningdek, maqolada Oʻzbekiston taʼlim tizimi uchun aniq tavsiyalar ishlab chiqilib, nazariy va amaliy jihatlar uygʻunligi taʼminlangan.