KONSEPTUAL INTEGRALLASHUV: O'ZBEK TILIDAGI “V+(I)B YURA TURMOQ” ANALITIK ASPEKTUAL QURILMA TAHLILI MISOLIDA

Ushbu maqola o‘zbek tilidagi “V+(i)b yura turmoq” analitik aspektual qurilma tarkibidagi ko’makchi fe’llarning alohida olingan ma’nolaridan tashqari birlashgan holda murakkab konseptual metaforani hosil qilishi mumkin ekanligini tadqiq qiladi. Yur- va tur- ko'makchi fe'llarining o‘zaro ta’siriga e’tibor qaratgan holda, ushbu qurilma ifodalanayotgan harakat, holat va so‘zlovchining voqelikka munosabatidagi nozik ma'nolarni qay tarzda kodlashi orqali mujassamlangan idrok va konseptual integrallashuvning chuqur ta’sirini aks etishi tahlil qilinadi. Tadqiqot shuni ko‘rsatadiki, o‘zbek tilida olamning boy konseptual manzarasini yaratish maqsadida ko‘p qatlamli metaforik xaritalashlardan foydalaniladi.